Quezon SP body okays P7.4-billion annual budget for 2027
November 6, 2026
No Comments
LUCENA CITY – The Sangguniang Panlalawigan of Quezon, sitting as a committee-as-a-whole on Thursday, has approved the 2027 provincial government proposed annual budget worth P7.4 billion.
SP members led by 2nd District Board Member Keith Mikhal ‘Dok Kim’ Tan, acting as vice governor and SP Presiding Officer, has unanimously passed the landmark legislative measure that would spell out the spending plan proposed by the various provincial government offices aligned with the HEALING agenda under the administration of Gov. Helen Tan who is on official leave.
Acting Vice Gov. Dok Kim Tan said the approval of 2027 proposed annual budget of the provincial government was the culmination of a 3-day continuous budget deliberations covering all the various department agencies of the provincial government.
Present last Thursday at the SP budget hearing were acting governor Third Alcala, board members Sam Nantes of the 1st District, Vinnette Alcala of the 2nd Dist.; John Joseph Aquivido and Margarita Victoria Esguerra of the 3rd Dist.; Harold Butardo and Angelo Eduarte of the 4th Dist., Jackelyn Delimos, provincial youth federation president; and Sundae Alvarez, provincial League of Barangay Captain president.
“We are working on a budgetary constraints at medyo tinitipid pa rin po natin ang mga offices at although may malalaki silang proposal we are working for this budget na meron tayo na projected ng local finance committee,” said acting vice gov. Tan in a brief interview with a handful of local media after the budget hearing.
He said that the SP budget hearing tackled the challenges in implementation of each proposed budget of the various offices of the provincial government, on how they would be translated to effective services for the benefit of the people of the province.
He noted that although the proposed Annual Investment Plan for 2027 amounted to P9 billion, it got whittled down to the actual proposed budget of over P7 billion along with the P1.4 billion for Economic Enterprise Unit.
It was shown on the LED TV screen during the last day of the budget hearing and deliberation that the proposed general fund for next year is P7,496,540,115 and the Economic Enterprise is P1,458,616,414.
On Thursday, provincial government chief of staff Rose Ann Verzo and executive assistant John Luzano explained to the board members the proposed 2027 budget of the Provincial Governor’s Office (PGO) worth P1,306,630,551 and its various programs and projects such as in education, livelihood and good governance.
Acting vice gov. Tan said that many of the projects that were previously lodged in the PGO were now distributed to other provincial government offices such as sustainable livelihood projects which now include the creation of the new cooperative office and various social services that are institutionalized and legislated thru provincial ordinance.
He also said that the biggest slice of the 2027 budget pie goes to the Provincial Health Office and the Provincial Social Welfare and Development Office as these are the 2 provincial government offices that Quezonians seek most for their immediate needs.
He said the PHO takes the biggest slice of the provincial government budget as there are 15 provincial government hospitals that cater to the health care needs of the Quezonians which include hospitalization assistance, no balance-billing in Quezon Medical Center, free medicines, among others.
Asked about the budgetary concerns of Board Member Thelma Aumentado, SP representative of the various Indigenous Communities in the entire province, Tan disclosed that the provincial government has allotted P10 million for 2027 for the Indigenous People of the province along with P7 million other programs for a total of P17 million IP-dedicated projects for next year.
BM Aumentado was not in the SP budget hearing as she was spearheading the 1st Quezon Provincial Indigenous People’s Day Celebration at the Quezon Convention Center which was attended by hundreds of her IP constituencies in Real, Infanta, Gen. Nakar, Mauban, Atimonan, Lopez, Tayabas and Lucena city.
She has expressed dismay about her MOOE (Maintenance and Other Operating Expenses) budgetary allocation in her office saying she is not getting her equal budget share like her other SP colleagues as mandated by the Local Government Code.
Tan however said that due to budgetary constraints and since the provincial government has only started to have an IP representative in SP in 2025, Aumentado’s budget allocation is given in tranches.
Bayan ng Lopez, nagdeklara ng State of Calamity dahil sa Super El Niño
November 6, 2026
No Comments
Idineklara na rin ng bayan ng Lopez ang State of Calamity dahil sa banta ng Super El Niño, kasunod ng apat na naunang bayan sa Quezon na nagpatupad ng kaparehong deklarasyon dahil sa epekto ng matinding tagtuyot.
Pinangunahan ni Mayor Sonny B. Ubana II ang pagpupulong ng Municipal Disaster Risk Reduction and Management Council (MDRRMC) noong Oktubre 23 upang talakayin ang mga paghahanda para sa Undas at ang mga hakbang laban sa posibleng paglala ng tagtuyot.
Nag-ulat sa pulong ang siyam na sektor ng bayan, kabilang ang Municipal Agriculturist, Municipal Health Office, DepEd, BFP, PNP, Lopez Water District, Quezelco, Business Permits and Licensing Unit at MENRO hinggil sa kani-kanilang kahandaan at mga planong interbensyon.
Iniutos din ni Ubana ang agarang pagbuo ng El Niño Taskforce upang pangasiwaan at iugnay ang mga hakbang ng pamahalaang bayan. Inatasan ang bawat sektor na magsumite ng mga planong nakabatay sa datos at aktuwal na pangangailangan ng mga barangay.
Patuloy namang paiigtingin ng lokal na pamahalaan ng Lopez, katuwang ang Sangguniang Bayan at mga kinauukulang ahensya, ang paghahanda upang mabawasan ang epekto ng tagtuyot sa suplay ng tubig, agrikultura, kalusugan at kabuhayan ng mga residente.
Samantala, matatandaan na una nang nagdeklara ng State of Calamity ang apat (4) na bayan sa Quezon na Alabat, Jomalig, General Nakar at Guinayangan.
Daan-daang bata dumagsa sa SM City Lucena suot ang makulay at malikhaing Halloween costumes
November 6, 2026
No Comments
Nagmistulang parada ng mga makukulay at malikhaing karakter ang daan-daang bata para sa Trick or Treat sa SM City Lucena nitong Sabado, Oktubre 31, 2026.
Ipinamalas naman ng mga batang kalahok sa Spooktacular Halloween Costume Contest na ginanap sa The Event Center ang kanilang pagkamalikhain sa pamamagitan ng pagsusuot ng iba’t ibang Halloween costumes, mula sa mga cute at nakakatuwang karakter hanggang sa mga nakakatakot at kakaibang kasuotan.
Naging tampok sa aktibidad ang masiglang pagpapakilala ng mga kalahok sa kani-kanilang costume, na naghatid ng saya at di-malilimutang karanasan para sa mga bata at kanilang pamilya.
Kinilala rin ang mga nagwagi sa paligsahan dahil sa kanilang natatanging konsepto, malikhaing disenyo at kahanga-hangang pagpapakita ng kani-kanilang Halloween characters.
Layunin ng naturang aktibidad na bigyang pagkakataon ang mga bata na maipamalas ang kanilang talento at imahinasyon habang nagkakaroon ng masayang bonding moments kasama ang kanilang pamilya bilang bahagi ng pagdiriwang ng Halloween.
Lokal na Pamahalaan ng Infanta, pinaiigting ang mga hakbang sa krisis sa presyo at sobrang suplay ng baboy
November 6, 2026
No Comments
Pinalalawak ng lokal na pamahalaan ng Infanta ang mga hakbang upang matugunan ang krisis sa mababang presyo at sobrang suplay ng baboy sa bayan, kabilang ang rehabilitasyon ng municipal slaughterhouse, pagpapalawak ng pamilihan, at pagsusulong ng mga produktong processed meat upang matulungan ang mga lokal na hog raiser.
Sa pahayag ni Mayor Lord Arnel “L.A.” Ruanto sa kanyang opisyal na Facebook page, sinabi niyang kinakailangang magkaroon ng sistematikong solusyon sa problemang kinakaharap ng mga magbababoy, sa halip na umasa lamang sa pagtaas ng presyo ng kanilang mga alagang hayop.
Batay sa paunang ulat ng Office of the Municipal Agriculturist noong Oktubre 28, 2026, umabot sa 10,412 ulo ang kabuuang imbentaryo ng baboy sa Infanta, kabilang ang 3,741 fatteners o mga baboy na pinalalaki para katayin.
Samantala, nasa 668 ulo lamang ang karaniwang naiuulat na kinakatay kada buwan sa municipal slaughterhouse, habang tinatayang 3,703 ulo ang sobrang suplay batay sa paunang pagtataya ng tanggapan.
Ayon kay Ruanto, nagmumula ang krisis sa hindi pagtutugma ng dami ng baboy na handa nang ibenta at ng kapasidad ng lokal na merkado na bumili at tumanggap ng suplay.
Sa kasalukuyan, nasa ₱120 hanggang ₱150 kada kilo ang naiuulat na farmgate price ng buhay na baboy sa Infanta, na nagdudulot ng pangamba sa mga raiser na nahihirapang mabawi ang kanilang puhunan dahil sa mataas na gastos sa pagpapakain at pag-aalaga.
Bilang tugon, isinusulong ng lokal na pamahalaan ang pansamantalang moratoryum sa pagpapalawak ng operasyon at restocking na lalampas sa rehistradong kapasidad sa ilalim ng Executive Order No. 49, Series of 2026, gayundin ang pagpapagana sa Municipal Price Coordinating Council sa bisa ng EO No. 50, Series of 2026.
Layunin ng mga hakbang na ito na masubaybayan ang suplay at presyo ng baboy, makumpleto ang imbentaryo sa mga barangay, at mapalawak ang ugnayan ng mga hog raiser sa mga trader, meat vendor, restaurant, meat processor at iba pang institutional buyer.
Samantala, agad ding ipinag-utos ni Ruanto ang pagsasaayos ng municipal slaughterhouse matapos niyang magsagawa ng sorpresang inspeksiyon na naglantad sa matagal nang napabayaang kondisyon ng pasilidad.
Ayon sa alkalde, hindi na dapat magtuon sa paghahanap ng masisisi, kundi sa disiplina, rehabilitasyon at pagbibigay ng kinakailangang suporta upang mapahusay ang operasyon ng katayan.
Target ng lokal na pamahalaan na makamit ng slaughterhouse ang Double A classification, na magbubukas ng oportunidad upang maibenta ang karne sa mas malawak na pamilihan sa labas ng Infanta, alinsunod sa mga naaangkop na pamantayan at regulasyon.
Sa kasalukuyan, Locally Registered Meat Establishment classification ang tinutukoy na katayuan ng pasilidad, na naglilimita sa saklaw ng pagbebenta ng karne sa lokal na konsumo.
Kasabay nito, binubuo rin ang isang meat processing program na posibleng magluwal ng mga lokal na produktong gaya ng Infanta Longganisa, InfanTocino at InfanTAPA.
Sa pamamagitan nito, inaasahang mabibigyan ng karagdagang oportunidad ang mga hog raiser, kooperatiba at maliliit na negosyante sa pamamagitan ng pagproseso at pagbebenta ng mga produktong may dagdag na halaga.
Gayunman, binigyang-diin ni Ruanto na kailangang tiyakin ang pangangailangan ng merkado, gastos sa produksyon, sapat na pasilidad, food safety requirements at mga kinakailangang permit bago ganap na maisakatuparan ang programa.
Hinimok din ng alkalde ang mga magbababoy na makiisa sa mga hakbang ng pamahalaan at magtulungan upang mapatatag ang industriya ng paghahayupan sa bayan.
Aminado si Ruanto na hindi agad matitiyak ang pagtaas ng presyo ng baboy, subalit nangako siyang ipagpapatuloy ng lokal na pamahalaan ang koordinasyon, konsultasyon at paghahanap ng mga solusyong nakabatay sa datos.
Layunin ng mga hakbang na malampasan ang kasalukuyang krisis at makabuo ng mas matatag na industriya ng paghahayupan na magbibigay ng makatarungang oportunidad sa mga raiser habang pinananatiling abot-kaya ang karne para sa mga mamimili. (Reygan Mantilla)
THE ENEMY OF YOUR ENEMY IS MY FRIEND
November 6, 2026
No Comments
“The enemy of your enemy is my friend.”
Ito ang katagang binitiwan ng aking kaibigang abogado sa isang pag-uusap namin. Simple pakinggan, pero may malalim na political at psychological meaning. Sa totoong buhay, may mga pagkakataong nagkakampi ang dalawang taong hindi magkapareho ng paniniwala, prinsipyo, o interes—dahil lamang iisa ang kanilang kinakalaban.
Pero hindi lahat ng pagkakampi ay nangangahulugan ng tunay na pagkakaibigan. Minsan, alliance lang ito na nakabatay sa convenience, timing, at common interest. Magkasama sila ngayon dahil may iisang problemang gustong harapin; ngunit kapag nagbago na ang sitwasyon, maaari ring magbago ang kanilang samahan.
Dito pumapasok ang mas malalim na pagtingin: hindi sapat na tingnan kung sino ang kakampi mo; mahalagang unawain kung bakit sila kumakampi sa iyo. May mga taong lalapit dahil naniniwala sa iyong ipinaglalaban, ngunit mayroon ding sumasama dahil kapaki-pakinabang ka sa kanilang sariling laban.
Kaya maging mapanuri. Be strategic, but never be blinded by temporary alliances. Hindi masamang makipag-alyansa, pero huwag ipagkamali ang shared enemy sa shared values.
Sa huli, kapag wala na ang kalaban, doon masusubok kung ang samahan ay may pundasyon o isa lamang pansamantalang kasunduan. Dahil hindi lahat ng nakikipagkamay ay kaibigan—and hindi lahat ng nasa tabi mo ay tunay na kakampi.
AboitizPower – TLI, pinagtitibay ang operasyon at serbisyong pangkomunidad sa Quezon
November 6, 2026
No Comments
Tiniyak ng AboitizPower-Therma Luzon, Inc. (TLI) ang tuloy-tuloy na suplay ng kuryente sa Luzon Grid sa kabila ng inaasahang epekto ng Very Strong El Niño, kasabay ng paghahanda sa posibleng kakulangan sa tubig at pagpapatuloy ng mga programang pangkalikasan at pangkabuhayan sa Quezon.
Sa Kapihan sa PIA Quezon sa Pacific Mall, Lucena City, nitong Oktubre 27, sinabi ni Lou Jason Deligencia, Assistant Vice President for Corporate Services ng AboitizPower-TLI, na patuloy ang maintenance ng mga kagamitan at pagpapanumbalik ng seawater systems upang matiyak ang maayos na operasyon ng planta.
Ang Pagbilao Power Station sa Barangay Ibabang Polo, Pagbilao, Quezon ay may tatlong generating unit na may kabuuang kapasidad na 1,200 megawatts, na tinatayang nakatutugon sa 15 hanggang 20 porsiyento ng pangangailangan sa kuryente ng Luzon sa panahon ng peak demand.
Bilang paghahanda sa matinding init, pinag-aaralan din ng kumpanya ang angkop na work arrangement para sa mga manggagawa at nakikipagtulungan sa mga magsasaka sa pamamagitan ng pamamahagi ng solar-powered water pumps.
Tiniyak din ni Deligencia ang pagsunod ng kumpanya sa mga pamantayang pangkalikasan ng Department of Environment and Natural Resources (DENR). Kabilang sa mga programa nito ang tree planting, coastal clean-up, marine biology studies at pagtatayo ng artificial coral reefs para sa pangangalaga ng karagatan.
Samantala, sinabi ni Kirk Coronel, Reputation and Stakeholder Management Manager ng AboitizPower-TLI, na patuloy din ang mga programang pangkomunidad ng kumpanya, kabilang ang libreng serbisyong medikal, suporta sa edukasyon at mga proyektong pangkabuhayan para sa mga residente ng Quezon. (Reygan Mantilla)